சிறு பொழுது.....

குக்குறுவானின் பனிப்பிரதேசம் ! அந்தி சாயும் வேளை. சூரியன் ஒருமுறை கண்களை மூடி திறந்தது. பின்னர் மலைகளுக்கு நடுவில்  சென்று மறைந்தது.  கூடுகளுக்கு திரும்பி கொண்டிருந்த பறவைகள் குக்குறுவானை பார்த்து ஆச்சர்யப்பட்டன.  இந்த குக்குறுவான் ஒரு வார காலமாக இப்படியே தான்  இருக்கிறது! நம் குழந்தைகளுக்கு கதைகளை கூட சொல்வதில்லை! என்றது வேதிவால் குருவி. சில நேரங்களில் அப்படித்தான்! குக்குறுவான் தன்னை தானே சரி செய்து கொள்ளும்! என்றது மந்தி புறா. குக்குறுவானின் மனதில் ஏதோ ஒன்று இருந்தது. அந்த விசயத்தை எவ்வளவு முயன்றும் மாற்ற முடியவில்லை. இந்த சூரியன் மறைவது போல அந்த விஷயமும் மறைந்து விடாதா? என ஏங்கியது குக்குறுவான். வலசைக்கு வந்த ஆறுமணி குருவி துள்ளலுடன் பறந்து வந்தது. உலகம் எத்தனை அழகானது! என்று சிலாகித்து சிறகை மடக்கி அமர்ந்தது. குக்குறுவான் கண்களில் ஒரு ஏளனத்துடன் ஆமாம்! ஆமாம்! என்றது.  அதை புரிந்து கொள்ளாமல் ஆறுமணி குருவி பேசி கொண்டே சென்றது. என்ன பனிப்பொழிவு! நல்லவேளை நம் முன்னோர்கள் வலசை செல்தல் என்பதை உருவாக்கி வைத்தார்கள்! இல்லையென்றால்  என்ன ஆவது! என்று நடுக்கத்துட...

  கம்புள் கோழியின் கனவு !   வானம் சாம்பல் நிறத்தில் இருந்தது. மேகங்கள் கருநீல நிறத்தில் இருந்தன.  குளத்து நீரில்  உரத்த    சத்தம் கேட்டது. க்ர்ரிக் கிரெக்... க்ர்ரிக் கிரெக்... எதற்கு இந்த கம்புள் கோழி அரிக்குரல் எடுத்து கத்துகிறது? என்று கோபப்பட்டது நீலக் கோழி. உனக்கு விஷயமே தெரியாதா? என்று வந்து அமர்ந்தது செங்கால் நாரை. நீலக்கோழி குழப்பமாக பார்த்தது. கம்புள் கோழி ஏதோ கனவு கண்டிருக்கிறது. அதைப்  பற்றி கூறத் தான் அனைவரையும் அழைக்கிறது! என்றது செங்கால் நாரை. மீன்கொத்தியும், வானம்பாடியும் ஏற்கனவே அங்கே சென்று விட்டனர். கோரை புற்கள் செழித்திருந்த பகுதியில் கம்புள் கோழி சிந்தனையில் அமர்ந்திருந்தது. நாங்கள் எல்லோரும் வந்து வெகு நேரமாகிறது. உன்னுடைய கனவு தான் என்ன? என்று கேட்டது நீலக்கோழி. பல்லவர்களே ! பல்லவர்களே! காஞ்சிபுர பல்லவர்களே! ஏரிகளும் , குளங்களும்  உருவாக்கி தந்த மன்னர்களே! பல்லவர்களே ! பல்லவர்களே! பாதி ஏரிகளை காணவில்லையே! மீதி குளங்களில்  நீரில்லையே! பறவைகளே! பறவைகளே! என் கனவு பலிக்குமோ? ஏரிக...

  ஆறுமணி குருவியின் மெளன விரதம் !       காலையில் சூரியன் உதயமாகி, வெயிலை கொட்டி கொண்டிருந்தது.   ஆனால்   அனைத்து குருவிகளும் கூட்டிலேயே இருந்தன. கொக்குகள் பறந்து செல்லும் சத்தத்தை கேட்டு கூட்டை விட்டு வெளியே வந்தன. அடடா, பொழுது நன்றாக விடிந்து விட்டது. நாம் இவ்வளவு   நேரம் தூங்கி விட்டோமா? என ஆச்சர்யப்பட்டது தவிட்டு குருவிகள் . இந்த ஆறு மணி குருவி எங்கே சென்றது? இது ஏன் இன்று பாட வில்லை? என்று கேட்டது கள்ளிக்குருவி . கரிச்சான் குயில் , ஆறு மணி குருவியை தேடி சென்றிருக்கிறது!   என கூறியது பருத்திக்கறை   பூச்சி. . சரி மாலையில் சந்திப்போம் என இரை   தேட சென்றன குருவிகள். ஆறுமணி குருவியே! எங்குள்ளாய் ? தோட்ட கள்ளனே எங்குள்ளாய் ? பச்சைகாடையே வருவாயோ? பொன்னுதொட்டானே வருவாயோ? கஞ்சால் குருவியே சத்தம் குடு! காசிக்கட்டிக் குருவியே சத்தம் குடு! என்று பாடிக்கொண்டே தேடியது கரிச்சான் குயில். நீ ஆறுமணி குருவியை தானே தேடுகிறாய்! எதற்கு இத்தனை குருவிகளை கூவி அழைக்கிறாய் ? என்று கேட்டது கழுகு. ஆறுமணி குருவிக்கு தான் இவ்வள...

    பெண் குயிலின்    சிவில் இன்ஜினியரிங் காலேஜ் .....   சூரியன் வானத்தில் உச்சியில் இருந்தது. ஆனாலும் வெயில் அதிகமாக இல்லாத நண்பகல் நேரம்.   தான் கட்டி முடித்த கூட்டை பார்த்து    உற்சாகமாக பாடிக்    கொண்டிருந்தது  தேன் சிட்டு. சின்ன சின்ன   பஞ்சு சேர்த்து   தேங்காய் நாரும்   கொஞ்சம் சேர்த்து   சிட்டு சிட்டாய்   பறந்து வந்து   குட்டி கூடு கட்டுவேனே ! சிட்டு சிட்டாய்   பறந்து வந்து   குட்டி கூடு கட்டுவேனே ! உன்னுடைய கூடு மிகவும் அழகாக இருக்கிறது என்றது   பெண் குயில் .   அப்போது   கரிய நிறத்திலும், சற்று நீளமாகவும் , இருந்த   ஒரு பூச்சி பறந்து வந்தது .   ஒரு சில விநாடிகளில் இலையை "ப" வடிவில் வெட்டி எடுத்துக்கொண்டு பறந்து சென்றது.என்ன பூச்சி இது ? என   ஆச்சரியப்பட்டு குயிலும், தேன்சிட்டுவும் அதன் பின்னாலேயே பறந்து சென்றன .    ஈரமான களிமண், மரப் பிசின் போன்ற பொருட்களால் ஒரு கூடு இருந்தது.   வெட்டிக் கொண்டு வந்த   ...

  நாகணவாயின் நாதஸ்வர கச்சேரி !     காலை சூரியன் செஞ்சிவப்பு நிறத்தில் பந்து போல வானில் தெரிந்தது. புற்களின் மீது பனித்துளி ஈரமாக இருந்தது. ஒரு புல்லில் இருந்த பனித்துளியில் பனை மரம் ஒன்று தெரிந்தது. அதை உறிஞ்சி குடித்தது   நாகணவாய். பெரிய பனைமரத்தையே   என்னால்   குடித்து விட முடியும் ! என்று கர்வம்   கொண்டது. கோவிலில் காண்டா மணி சத்தம் மூன்று முறை அடித்தது. பிறகு அங்கிருந்து      இசை வந்தது. அதை கேட்டதும் கர்வம் மறைந்து அமைதியாக மாறியது நாகணவாய்.கோவிலை நோக்கி பறந்து சென்றது. வாய் மட்டும் பெரிதாக இருக்கும் நீண்ட குழலை வாயில் வைத்து ஊதி கொண்டிருந்தார் ஒரு மனிதர். ஊதினால் மனிதர்களால் இசை கொடுக்க முடியுமா? என ஆச்சர்யப்பட்டது. வாசித்து முடித்ததும் அந்த நீண்ட குழலை துணியில் சுற்றி வைத்தார்   மனிதர்.   நாகணவாய் சுற்றிலும் பார்த்தது. புறாக்களும் , கிளிகளும் கோபுரத்தில் அமர்ந்திருந்தன .   வேகமாக அவற்றிடம் பறந்து சென்றது.   புறாவே! அந்த மனிதர் இசைத்த கருவி என்ன?   ஓ! உனக்கும் அது பிடித்திருக்கிறத...