நாகணவாயின்
நாதஸ்வர கச்சேரி !
காலை சூரியன் செஞ்சிவப்பு நிறத்தில் பந்து போல வானில் தெரிந்தது. புற்களின் மீது பனித்துளி ஈரமாக இருந்தது.
ஒரு புல்லில் இருந்த பனித்துளியில் பனை மரம் ஒன்று தெரிந்தது. அதை உறிஞ்சி குடித்தது நாகணவாய். பெரிய பனைமரத்தையே என்னால் குடித்து விட முடியும் ! என்று கர்வம் கொண்டது.
கோவிலில் காண்டா மணி சத்தம் மூன்று முறை அடித்தது. பிறகு அங்கிருந்து இசை வந்தது. அதை கேட்டதும் கர்வம் மறைந்து அமைதியாக மாறியது நாகணவாய்.கோவிலை நோக்கி பறந்து சென்றது. வாய் மட்டும் பெரிதாக இருக்கும் நீண்ட குழலை வாயில் வைத்து ஊதி கொண்டிருந்தார் ஒரு மனிதர்.
ஊதினால் மனிதர்களால் இசை கொடுக்க முடியுமா? என ஆச்சர்யப்பட்டது.
வாசித்து முடித்ததும் அந்த நீண்ட குழலை துணியில் சுற்றி வைத்தார் மனிதர்.
நாகணவாய் சுற்றிலும் பார்த்தது. புறாக்களும் , கிளிகளும்
கோபுரத்தில் அமர்ந்திருந்தன .
தினமும் இந்த இசையை கேட்கும் பாக்கியம் உள்ளவர்கள் நீங்கள்! என பெரு மூச்சு விட்டது நாகணவாய்.
காது என ஒன்று இருந்தால் யார் வேண்டுமானாலும் இந்த இசையை கேட்க முடியுமே! என்றது பச்சை கிளி.
எனக்கும்
அந்த மனிதரை போலவே இசைக்க வேண்டும் என ஆசையாய் இருக்கிறது! என்றது நாகணவாய்.
அதற்கு அந்த குழல் வேண்டுமே! என்றது புறா .
என்ன குழல் அது? என கேட்டது நாகணவாய்.
அது ஏதோ மரக்குழல் என்று நினைக்றேன்! என்றது பச்சை கிளி.
அதன் பெயர் நாதஸ்வரம் என கூறுகிறார்கள் என்றது புறா.
எதற்கும் மரங்கொத்தியை கேட்டால் தெரிந்து விடும்! என்றது புறா.
மரங்கொத்தியை தேடி பறந்து சென்றது நாகணவாய்.
கொத்தி
கொத்தி
மரங்கொத்தியே!
தலையால் மரத்தை
கொத்தினாலும்,
தலைவலி இல்லாத
மரங்கொத்தியே!
எட்டாயிரம் பத்தாயிரம்
என மரத்தை கொத்தும்
மரங்கொத்தியே!
நாக்கு
நீள மரங்கொத்தியே!
மரம்
தேடும் மரங்கொத்தியே!
நாதஸ்வரம்
நான் வாசிக்க
நல்ல
மரம் காட்டுவாயே!
உன்னை தேடி வந்தேனே!
உற்ற
நண்பனாய் இருப்பேனே!
கொத்தி
கொத்தி
மரங்கொத்தியே!
என பாடியது நாகணவாய்.
என்னது நாதஸ்வரம் வாசிக்க மரமா? என பயந்து போன குரலில் கேட்டது மரங்கொத்தி.
ஆமாம்
! நீ ஏன் பயப்படுகிறாய்? என்றது
எங்கே இருக்கிறது? அந்த யாமரம்?
மரம் மரம்
எது மரம் ?
அரக்கு போல
தளிர்களாம் !
நீர்ப்பசை போல
பட்டைகளாம்!
மரம் மரம்
எது மரம் ?
கர்வம் கொண்ட
யாமரம் !
நீள் நிழல் கொண்டிருக்குமாம் !
யானைகளின்
நண்பனாம்!
மரம் மரம்
எது மரம் ?
அது தானே
யாமரம் !
என்று
பாடியது மரங்கொத்தி.
பறக்கும் நாமே இயல்பாக இருக்கிறோம். சும்மா ஒரே இடத்தில நிற்கும் மரங்களுக்கு அப்படி என்ன கர்வம்? என கேட்டது
நாகணவாய் .
நீயே சென்று கேளு! என பறந்து சென்றது மரங்கொத்தி.
யாமரம்
என்ற பெயரை கேட்டதும் வானரங்களின் கூட்டம் திகைத்து நின்றது.
நாகணவாயே
! யாமரத்தையா தேடிச் செல்கிறாய் ? என ஆச்சர்யமாக கேட்டது வயதான வானரம் ஒன்று.
ஆமாம் !
நாதஸ்வரம் செய்வதற்கு என்றது நாகணவாய்.
நல்ல
மரத்தை தேர்ந்தெடுத்தாயே ! என்று சிரித்தன வானரங்கள்.
ஏன் ?
அதற்கென்ன ? குழப்பமாக கேட்டது நாகணவாய்.
யாமரத்தை
துளைக்க வேண்டுமானால் அது அயோத்தி அரசன் ராமனால் மட்டும் தான் முடியும் ! என்று
பெருமூச்சு விட்டது வயதான வானரம்.
வாலி வாலி
அரசனாம் !
வானரங்களின்
அரசனாம் !
ஏழு
யாமரங்களிலே
உயிரை
ஒளித்து வைத்தானாம் !
ராமன்
ராமன் அரசனாம் !
அயோத்தி
மக்களின் அரசனாம் !
ஒரே ஒரு
அம்பாலே!
ஏழு
யாமரங்களை
துளைத்தானே
!
அடுத்து
என்ன
அடுத்து
என்ன
சுக்ரீவன்
தான் அரசனாம் !
ராமனுடைய
படையிலே
வானரங்களும்
சேர்ந்தனவே !
இலங்கையை
வென்றனரே !
சீதையை
மீட்டனரே !
ராமன்
ராமன் அரசனாம் !
அயோத்தி
மக்களின் அரசனாம் !
என்று
பாடியது குட்டி வானரம் .
எப்படியாவது
யாமரத்தை பார்த்து விடுவது என பறந்தது நாகணவாய்.
வெயில்
அதிகமாக இருந்தது. ஆனாலும் தேடுவதை விடாமல் பறந்தது .
தூரத்தில்
யாமரம் நின்றிருந்தது . பனித்துளியில் தெரியும்
பனைமரம் என்று என்னையும் நினைத்தாயோ ? என்று சிரிப்பது போல் இருந்தது யாமரம்.
பக்கம் செல்ல செல்ல யாமரத்தின் அடியில், சில மனிதர்கள் அமர்ந்திருப்பது தெரிந்தது.
மரத்தின்
கிளைகளில் கழுகு ஒன்று கூடு கட்டி இருந்தது. அதில் இருந்த குஞ்சுகள் அவ்வப்போது வெளியே
எட்டி பார்த்து கொண்டிருந்தன.
இரண்டு மனிதர்கள் பேசி கொள்வது
கேட்டது.
இந்த யாமரத்தை வெட்டி வேலை
செய்வது மிக கடினம்!
வேறு மரத்தை தேடுவோம்!
அப்போது அந்த வழியாக ஒரு சிறுவன் வந்தான்.
பூவரசம்
பூ எட்டலையே !
அப்போ
வந்து
காத்தடிக்க
பூவரச
இலை விழுந்துடுச்சே!
பூவரச
பீப்பீ ஊதி கிட்டு
யாமரம்
தாண்டி வந்து கிட்டு
போவேனே
வீட்டுக்கு!
போவேனே
வீட்டுக்கு !
என்று பாடி கொண்டே சென்றான் சிறுவன்.
யாமரம்
நாதஸ்வரம் இல்லாதவர்களுக்கு , பூவரசன் பீப்பீ தான்
நாதஸ்வரம் என்றான் இன்னொரு மனிதன்!
சில வாரங்களுக்கு பிறகு விளம்பர பலகைகள் கண்ணில் பட்டன.
நாகணவாயின் பூவரசன் பீப்பீ கச்சேரி!
இடம்: நாரத கான சபா
நாள் : ஞாயிற்றுக்கிழமை
நேரம் : மாலை 5.30 - 6.00
அனைவரும்
வருக!
-
Manobharathi Vigneshwar